Trátase dun interesante manual para traballar coas persoas adolescentes as microagresiones e os odios cotiáns, coa intención de desmontar mitos, levalos a reflexionar sobre certas actitudes e comportamentos e camiñar cara ao bo trato, a través dunha serie de conceptos e ferramentas sinxelas e moi prácticas.

“Lo que cuentan de ti” é un cómic que nos achega a realidades adolescentes a través de diferentes historias, mestúranse temáticas actuais: relacións entre iguais (rumores, bullying/ciberbullying, LGTBIfobia…); espazos de lecer e tempo libre (uso de alcol e outras drogas); relacións afectivo-sexuais, redes sociais, VIH etc.

Na guía didáctica facilítanse 9 actividades, 3 por cada capítulo do cómic e unha actividade final de avaliación. Partindo das situacións reflectidas en cada capítulo, trabállanse contidos relacionados co obxectivo de debater, reflexionar e agudizar o sentido crítico. Tamén se poden descargar uns recortables para realizar un Role Playing.

Cóntanos unha serie de historias onde se tratan situacións habituais entre persoas adolescentes, a forma de relacionarse no seu tempo libre, reflectindo a realidade do consumo de alcol e outras drogas e as súas consecuencias…